Faia se mafutaga fa’alea’oa’oga a ICT o Pisinisi mai atunuu i fafo ma Samoa e le Digicel,

SHARE NOW

O le faatupu laia pea o le faia o auala sese e tagata e gaoia ai pe hacked ai faamatala e patino i se Matagaluega, pisisnisi, kamupani poo se faapotopotoga.

Ua ae ai se tofa i le taitaifono o le Kamupani telefoni o le Digicel ma le aufaigaluega ina ia faia ai se mafutaga faaleaoaoga mo le aso atoa lenei. O lea polokalame o loo auaia mai ai tagata o loo galulue i le vaega tau ITC poo latou e gafa ma le puipuiina o data poo faamatalaga a latou fale faigaluega aofia ai ma tagata faigaluega mai le gaoia lea e tagata atamamai o loo faia lea tulaga.

Saunoa le Ofisa Sili o le Matagaluega o Fesootaiga, Faamatalaga ma le Faatekonolisi le afioga ia Lefaoalii Unutoa Fonoti, o le itu tonu lea sa taumafai iai le Matagaluega i le polokalame lea na faagasolo i nai vaiaso ua mavae.

O le faailoa lea e le gata mo Matagaluega ma Faalapotopotoga ae o le mamalu o le atunuu ia mataala ma faaoga tatau auala faatekonolis aua ua leo toe saogalemu le faatupulaia pa o le ave faagaoi lea o faamatalaga.

Pei ona maitauina ai le faasilasilaga a le Faletupe tu tototnu o Samoa CBS ina ua gaoia e tagata IC faamatalaga ma faia ai ni faasalalauga sese, Peitai na faasilasila mai foi e le Ofisa o le Regulator ile mamalu o le atunuu ia aua nei faaoga ina faamatalaga o se form o le galuega e faatumu na tuuina mai i luga o le latou itulau aua e le moni ma faamaoni.

Saunoa le taitaifono o le Digicel le afioga ia Fia’ailetoa Pepe Christian Fruen o le nanautaiga o le Kamupani ia auai mai ITC popoto mai atunuu i fafo pei o le susuga ia Jerry Arulandu mai le Telsra International, ma Steve Perich mai le Exclusive Network NZ.

E faauma ai i le itula e 5 lea foi mafutaga faaleaoaoga taua.