E lua aso o loo faasolo ai se mafutaga faaleaoaoga a le UNDP poo le United Nations Development Project ma nisi o sui mai ofisa faasalalau eseese e le gata o totonu o Samoa nei ae o Amerika Samoa.
Na auai foi alo ma fanau o loo a’otauina ile Iunivestie Aoao o Samoa i lalo o le faatufugaga a le au Tusitala ma Faasalalau
O le auga ma le faamoemoe o lea mafutaga faaleaoaoaga sei fefaasoai, ma toe faapupula ma faamalamalama i tusitala malosiaga o Faiga piopio ma faiga le faavaea o loo tupu i totonu o Faalapotopotoga o Matagaluega, o fale faigaluega, ma soo se mafutaga i Samoa.
Corruption Awareness Training for Samoan Investigative Journalist.
Pei ona faasoa mai ai le susuga ia John Hyde o le sui mai le United Nations Anti Corruption consultant poo mataala ma iloa e tusitala Samoa le isi tuaiga auala e faia ai suesueaga ise mataupu maaleale o loo masalomia na faia i ni auala piopio ma le le faavaea.
E le gata i lea ae o auala ma metotia e faaoaga e sailisaili ai le auga tonu o le faalavelave ae o tagata foi o loo lalafi mai i nei gaioiga.
Sa fai ma faataitaiga e John le faafitauli lea na tulai mai le vaamoe ile aso Lulu o vaiaso ua mavae, lea na vevesi ma faasalalau ai i luga e ala faasalalau nisi o faamatala ma fai mai e le moni
Ae mulimuli ane faatoese ai le Minisita o vaa le afioga ia Olo Afoa Fiti Vaai,
Saunoa le sui mai le United Nations Anti Corruption consultant le susuga ia John, sa tatau ona fai sailiiiliga a Tusitala iai latou uma o loo aafia ilea faafitauli.
Na faasoa manatu uma tusitala ma maitauina ai le eseese foi o tomai ma agavaa faatusitala o loo faaogaina e tusitala Samoa e faatino ai le galuega e mailei mai ai faamatalaga mai a latou punaoa o faamatalaga poo sources.
E faauma aloaia ai ile aso a Taeao lea foi mafutaga faale aoaoaga ile faletalimalo o le Tanoa tusitala.
