Ua faagasolo ai nei suesuega a le Matagaluega o leoleo ma le Falepuipui i tino maliliu e lua lea na malelemo ma lipotia mai ile ofisa o leoleo ile ogatotonu o le vaiaso nei.
Peitai o lea ua faamaonia mai e le Komesina o Leoleo le afioga ia Auapaau Logoitino Filipo ile leitio Polenisia e 8 tausaga o le teineititi lea na maliu mai i le Aga Resort.
O le teneititi lea faapea sa agai ma ona tau aiga ile faletalimalo lea ei le atu Aleipata, e aofia ai ma lona tina, peitai e lei iloa e le aiga o loo taele le teineititi ile swimming pool poo le vaitaele ma sailia atu o loo malemo i totonu o le vaitaele.
Ae o le isi o le tina 68 le matua na agai e fagota mai figota o le sami ae malemo ai.
Saunoa Auapaau na iai le faaiuga e faia suesuega faapitoa mo nei tino maliliu peitai ile maea ane o suesuega a leoleo ma mautinoa ai na malelemo le mafuaga o le maliu
Ae e leo tuua ai le faagasolo pea ma le faia o suesuega a leoelo.
