Ua toe maua mai foi le talafaanoanoa i fanau o galulue i galuega faavaitaimi i Niusila. Ina ua agia faalauaitele ai se faamaisega mo matua o Tautiaga Tulaga, o Samalaeulu ma Pu’apu’a.
O le faasilasilaga na agia i luga o fesootaiga televave, ua na’o fa’amaisega ma fa’amafanafanaga i le aiga fa’avauvau aemaise matua fa’anoanoa o le Susuga ia Tautiaga Tulaga o Samalaeulu. Ae o ona tuaa, e mai Samaleulu ma Pu’apu’a i Salafai.
E aga eseese lava mafuaaga o faalavelave faafuasei, o loo afaina ai soifua o fanau a Samoa mai galuega faavaitaimi, aemaise lava i faalavelave tau taavale.
Na ta’ua e le tatou paaga, ole faaletonu lea na aafia ai Tautiaga, na tupu ile Aso Lulu ole vaiaso talu ai, Ae ose tala e le’o aloaia mai, na ta’ua e le tatou paaga, o loo taofia le tino o Tautiaga ile falemaliu, ae o lesi alii na la o na faamanu’alia i aafiaga o le taavale. O ta’ua foi e le tatou paaga, o latou e faigaluega i Tauranga i le pikiina o le kiwi, ae ese le vaega o loo iai si tama lea o le latou nuu. Ma sa muamua alu i NIusila, ua tusa ai ma le tolu masina talu ona galue.
Faamaise atu ai foi tatou tala fou i aiga faanoanoa ole atalii ua aafia lona soifua mai NIusila i galuega faavaitaimi .
