Faifaiaga le tele o Itumalo e amata a latou poloketi ole $1miliona tala.
E 18 itumalo mai le 51, ua mautinoa le maua o a latou tai $200afe tala o le vaega muamua ole poloketi miliona tala i le tausaga a itumalo mo atinaega o ona tagata nuu.
I le uma ane o le sainiga lima i le aso Faraile talu ai, na iloa ai ole tele o itumalo, e lei faamautuina ane lava a latou tapenaga.
Ma atagia mai ai ole 18 muamua lea ua agavaa ile $200afe, ua nao se vaega o le 31 o itumalo a faipule o le FAST, e ese mai le 19 o Itumalo a faipule HRPP.
O vaega tupe muamua o le ‘a tapena ai ofisa, o totogi o tagata faigaluega, ae o le komiti ole poloketi.
O le poloketi lea pei ona faamanino mai e le Failautusi aoao a le FAST, Vaaaoao, o loo taitaifono ai le Minisita o tina ma tamaitai, le afioga a Leota Laki Sio.
Peita’i ole poloketi miliona o loo iai lona ia lava komiti faafoe, e le’o feninia’ia fua ma le matagaluega o Tina ma tamaitai.
Vagana ai le Minsita ole Matagaluega o lo o taitaifono ai ile Poloketi.
Ole vaiaso fou e amata ona faagaioi loa ofisa ma galuega a le 18 Itumalo lea ua agavaa ma uma ona saini iai le faaaogaina ole latou 200afe tala.
Ua fetaitoinai foi ma le taimi o le $1 miliona muamua o le ‘a aofia ai i totonu o le tupe faasoasoa ole tausaga faaletupe a le Atunuu, 2022-2023.
O le Aso Toonai 28 Me 2022 na molimauina ai feiloaiga a le afioga o Tulaele i Faleata e faatalanoa lana komiti ma le agai i luma. O le Komiti lea o loo taitaifono ai le Faipule ole Itumalo, Leatinuu Wayne Sooialo, ma galulue faatasi ai ma le Pulenuu ae o sui ole itumalo. Ole Itumalo lea o Faleata 2 o loo muamua lava i tapenaga a itumalo i Upolu nei. E aofia le $200afe tala ma isi faamanuiaga.
