Ua aofia ai Samoa atoa i le malulu lea na amata mai ai ile vaiaso talu ai le uiga ese o le maalilili ao o tatou tagata.
Ina ua oo atu ile 13, 14, mai le 17 ile faaiuga o le vaiaso talu ai, pei ona faamauina i fua vevela ma malulu.
Le sili atu ona malulu o nofoaga maualuluga, peita’i ua faasolo atoa ai mai i nofoaga maualalo.
O le aumalaga mai SAvaii mo maliu o loo faia i Upolu nei, ose tasi lena o mataupu na mafuli iai talanoaga o le Aso Sa, o le malulu ua iai le tatou atunuu.
“O aiga ua le taeele pe’a oo i le afiafi. E ta loa le 2, 3 , i le aoauli amata ona faasolo i le paipa.” “A pogisa ane e le’i taeeele, e mautinoa lava le momoe le taeele.”
Aemaise lava i aiga e leai ni vaivela i o latou maota. Ole vaiaso talu ai, sa timuga, peita’i e oo mai ile ASo Tofi talu ai ua amata ona maua muga la ma faatetele ai loa le malulu pe’a oo i le afiafi ma le po atoa.
E oo ifo i le faaiuga o le vaiaso, ua feoa’i tagata ma ofu mafanafana i fale kalapu ile taulaga i Apia talu le malulu.
Pei ona molimauina le oo mai lava i le taeao ana leila, le tusa o le 17 tiekri le malulu . Faatusa i taeao masani ai,a malu lava i nofoaga maualalo o le 28, ma oo atu i le aoauli ua faasolo vevela i le 29, 30 , 31.
