Na fa’alauiloa ai i le aso fuafuaaga faataatitia a le Vaega tumaoti a le Pulega o Felauaiga ma atinae tetele. Na auai sui mai Matagaluega ma paaga tumaoti uma a le Malo ae maise nisi o Minisita o le kapeneta ma faipule
O nei fuafuaga faataatitia e mo le tausaga 2023-2028, o nei fuafuaaga o loo mulimulitaia alafua ua maea ona faataatitia mo le lumanai manuia o Samoa
O le auga pei ona saunoa le Minisita le afioga ia Olo Afoa Fiti Vaai ina ia manino le sao o lea foi vaega tumaoti i taiala autu ua faataoto ma vaega o loo lima taitaia ai le atunuu
“O le fiafiaga sili ua maea ma faamaonia e le Kapeneta lenei fuafuaga, E le’i faigofie lona tapenaina ona o le tele o isi galuega faatino a le aufaigaluega.
“Ae fo’i le Viiga ma le Faafetai i lo tatou Tapaau Sili i le Lagi ona o lana faasoa i so tatou faatauva’a ua faaupegaina ai le aufaigaluega lea ua mafai ai ona faatino lenei fuafuaga.
“Faafetai i le Kapeneta ma Pa’ aga uma a lenei Vaega Maoti mo le lagolagosua, Faamalo fo’i ma faafetai i Ofisa Sili o Pulega, ma aufaiglauega mo lenei galuega.
“O le Fuafuaga lenei, sa faatino lava e le aufaigaluega; ta’ita’iina e le Matagaluega o Galuega, Fela’ua’iga ma Atina’e Eseese, lagolagosua iai Fa’alapotopotoga ma Pulega o lenei Vaega Ma’oti, fa’atasi ai ma le sao o ana Pa’aga uma e ala i faatalatalanoaga sa faatino, aofia ai ma isi Ofisa o le Malo, Kamupani Tuma’oti, Sui o Nu’u ma Alalafaga, ma tatou Pa’aga mai Fafo mo Atina’e.”
“O se luitau ua amata mea ai lenei vaega i fuafuaga tetele faapenei, o atinae a le malo ina ia faaaogaina ai tomai ma agava’a, o meaalofa a le Atua o loo i o tatou lava lima. O se laasaga lenei ua leva ona tatau ona tatou oo iai o le faasaoina ai o tatou tupe mai le aami mai pea o tagata mai fafo e fa’atino a ttatou galuega faapenei”
Saunoa le afioga ia Olo i lana saunoaga autu, o loo faailoa mai i lea fuafuaga faataatitia, se faamoemoe maualuga ua leva ona tapena iai ofisa sili o vaega ma matagaluega tumaoti mo le isi lima tausaga,
O lea fuafuaga o se faaatalanoaga na auai sui o Matagaluega ma lagolagoina foi e ana paaga mai fafo mo ana atinae, o lea talanoaga na soalaupule ai tomai a o tatou lava tagata mo le fausiaina o galuega tetele
Ina ia faasao mai ai le tele o tatou tupe o loo alu ile aami aami mai pea o tagata mai fafo e faatino a tatou galuega.
O le Minsita o le Matagaluega o le Soifua Maloloina le afioga ia Tafito Selesele
