Na lauina i le amataga o le vaiaso nei le iuga o le susuga ia Faatau Uepa lea na maua mai le osofaiga a leoleo i Puipaa i le tausaga e 2021.
Na tatala i tua e talia ai le aso e lau ai le iuga, ae toe alu atu le osofaiga a leoleo i le Aso 19 o Setema o le tausaga nei, ae toe lavea mai ai foi.
Ma tuuina atu ai loa e le afioga i le faamasino ia Niava Mata Tuatagaloa le 6 masina e falepuipui ai i le tagofia o laau faasaina, ma le 4 vaiaso o le umia o paipa ma vaega e ula ai le aisa.
O Faatau e atoa iai le toa 11 o alii lea na taofia mai e leoleo i Puipaa i le masina ua mavae ma le tinoitupe e $23,00 o fagu malosi eseese ma soo se ituaiga filifili aulo a faatupe e silia ma le $40,000.
Peitai na talosaga le loia le susuga ia Unasa Iuni Sapolu, mo le tolu masina e amata mai ai le fua a le Faamasinoga, ae e le’i taliaina e le Tuatagaloa.
Na ioeina e Faatau moliaga a leoleo e sootaga i le aisa ma laau faasaina sa ia umia ma faaogaina.
