O le afioaga o Toamua lea na maona ane ai le faalavelave ile tina na ia togi lana tama ile maa, ae lavea ai lesi ana tama teine. Peita’i mulimuli ane maliu ai. O Toamua foi lea lea na molimauina mai ai se tina talavou na faaolima iai lona to’alua ma faamanu’alia ai. Peita’i o le afioaga o Toamua lea ua taulamua mai nei, o le’a fai ma faata’ita’iga i nuu, o le’a tausia ai le filemu, ma le fealofani.
O le sao lea o Toamua na faailoa ile taimi ole Aso mo tagata uma, Community Day na talimalo ai Toamua, ose vaega o le faamaite a le UNESCO spotlight, ma le Samoa Victim Support Group.
Ole poloketi,o le My village My pride , na ave iai le lagolago a le faipule ole itumalo, Ale Vena Ale, ma ia saunoa ile fia avea ai o lona nuu ma itumalo e tausia le filemu, ma taulamua ile avea ose siosiomaga fealofani ona tagata. Ile faamatalaga faalaua’itele mai le Toomaga, o ta’ua ai, na lologo uma i latou na iai i lea sauniga, ina ua saunoa le faipule ia Ale, mo le latou nuu.
Pe ‘a fua atu ile tele o faafitauli sa tutupu ai i totonu o le latou nuu o Toamua.
Ae o le sao o Toamua ma ona taitai, na lagona e tatala aloaia ai le 16aso ole faalauiloa, o le tetee atu i sauaga faasaga i tagata uma lava, aemaise o tina ma fanau mai le aso 25 Novema ile aso 10 Tesema 2023. Ma faafetaia ai e le Presetene o le Toomaga, Siliniu Lina Chang le sao o le afioaga o Toamua.
