Fasafua atu meaalofa mai le UNESCO ma le UNICEF mo aoga uma a Samoa

SHARE NOW
E mo aoga uma o Samoa e amata mai aoga amata, aoga tulaga lua seia pa’ia Kolisi, o ia meaalofa ua tauala mai i le faigapaaga a le Matagaluega o aoga taaloga ma aganuu ma nei faalapotopotoga tetele.
O meaalofa e aofia ai test mo le koviti, talifofoga poo mask, ma vailaau fufulu lima. Peitai ua faamaonia mai e le itulau a le Matagaluega o aoga taaloga ma aganuu, o nei meaalofa e tusa lona faatupeina ma le 1.0miliona Ausetalia.
Ua faamaonia mai foi e tusa o le 99% pasene o aoga a le Malo i Savaii ma Upolu ua maea ona tufa iai nei meaalofa.
Ae mo isi aoga, e a ofia ai aoga tumaoti, aoga sauoo, ma aoga Ekalesia EFKS e lei mafai ona oo atu iai le tufatufaina o meaalofa nei, ua faasilasila faalauaitele mai e le Matagaluega o aoga ina ia oo mai otou sui ile ofisa tutototonu i Malifa mo le faaooina atu o tou meaalofa.
I le aso Lulu, 10 o Me 2023 ile 10 ile taeao seia ta le itula e 2 le aoauli. Ae o aoga amata, ma aoga Ekalesia Metotisi ma le Katoliko ua maea ona faaoo a latou meaalofa i ofisa tutotonu o Laumua taitasi.