Fausia le Hall, Potu-tusi, ma le paipa a le aoga tulaga lua Letogo

SHARE NOW

Ua atoaaota uma vaega sa momoo iai le afioaga o Letogo mo le aoga tulaga lua a Letogo o loo aotauina ai o latou alo ma fanau. Ma maitauina ai le agaga fiafia o matua o le itumalo ae o le afioaga o Letogo ina ua tino mai le galuega o le fale mo mea fai a le aoga poo le Hall.

Na faaalu ai se tino i tupe mai le poloketi miliona tala a le malo o loo fasafua atu mo itumalo e 51 o le atunuu.

Peitai na aofia ai i lea lava galuega le potu tusi poo le library ua uma ona faatotoga i soo se ituaiga tusi faitau mo fanau, aua o le faanaunautaiga lava lea a le Matagaluega o aoga i totonu o soo se aoga ia mautu ma lelei potu tusi mo fanau, ua maea foi ona faa’ea malulu.

Ae o se fiafiaga sili e le gata i matua o le afioaga ma le Soifua maloloina ua maua se vai mama ua uma foi ona fausia lelei nofoaga e tuuina ai i totonu paipa e feinu ai fanau.

Ua mautu foi le potu mo masini komepiuta mo mataupu faa komepiuta a fanau oloo tauaveina lea foi mataupu, ua maea foi ona faa tiles pe faamaa uma foi potu aoga.

Ma saunoa faamalosiau ae o se faamanatu ma le tuualalo a le Minisita o Aoga, taaloga ma aganuu le afioga ia Seuula Ioane Tuaau, e le gata mo matua ae o faiaoga ia tautuana le mataituina lelei ma le puipuia lelei o nei aseta ia umi ona lelei aua le aoaoina o fanau o loo gasolo atu.

Le Minisita o le Matagaluega o Aoga, taaloga ma Aganuu le afioga ia Seuula Ioane Tuaau.