Ua mafai nei ona iai se fesootaia o le Faalapotopotoga o taumafa ma faatoaga a malo aufaatasi poo le FAO ma le vasega o tusitala Samoa.
O lenei faiga paaga o lea mafai ai ona maua le avanoa o tusitala e faasalalau ai ma tuu sao faamataalga o galuega faasolo ma polokalame a le FAO
Na taua i folasaga a nisi o sui o lenei faalapotopotoga o se taimi muamua lenei ua mafai ai ona faatino se feiloaiga o le ofisa ma tusitala, ina ua manatu le tele o le sao o tusitala ia latou foi galuega faatino.
Pei ona taua e le sui o Samoa o loo i totonu o le FAO le susuga ia Philip Tuivavalagi, o le taumafaiga a le FAO ia iai se sootaga oi latou ma le vasega o tusitala.
Ia faigofie ai foi ona faatino a latou galuega fai.
O le Aso Tofi o le vaiaso nei na faatino ai le feiloaiga lea a tusitala uma o Samoa ma le Ofisa o le faalapotopotoga o taumafa ma faatoaga o malo aufaatasi poo le FAO.
