O le faaauau ai pea ona lavevea o pasi la’u pasese ma maliliu ai tagata, lea ua lagona ai le leo ole pulega o taavaleafi, e lipoti atu i leoleo poo le LTA ni taavale la’u pasese o maitauina le o solitulaofono i luga o le auala, 26740 Upolu ae 51508 i Upolu.
Ua maitauina ole tupu ose faalavelave e faaosofia ai ona onoono i luga fautuaga faalua’itele. Peita’i e oo mai nei e leai lava se faiga o faia i luma ane ole sa’oga i Savalalo, e fepasia’i ai taavale i aso uma, ma molimauina le lavevea ai pea o taavale. I tafa ala ole aoga a St Mary i Savalalo.
Ole magaala lava lea e molimauina le lavevea ai o taavale. E tu ai foi le leoleo ile taeao ma le taimi tuua o aoga, talu le lamatia ai o soifua o fanau aoga.
O molimauina e le pulega o le aoga, ua loa ona tuuina atu le talosaga ile pulega o le LTA mole saogalemu o lea maagaala e leai lava se mea patupatu ua fausia pei ona talosagaina mole saogalemu o fanau aoga ae o taavale feoai ile vaega ole taulaga, poo se moli auala.
Peita’i E oo mai nei e leai lava se gaioiga a le LTA o faia ile saoga i Savalallo. Peita’i ole toe lavea mai o lesi foi pasi la’u pasese ile vaiaso talu ai, i le taulaga, ole pulega ole LTA, e gafa ma le faafouina ma le lesitala ole taavale la’u pasese ua agavaa le fealuai iluga o le auala.
Ole saogalemu i luga ole auala, e tatau ona agavaa iai taavale uma e feoai i luga ole auala, ole matafaioi lena a le pulega ole LTA, Ae o le tiute o leoleo, ole faamalosia lea o le tulafono.
O pasi e faa fa ona siaki ile tausaga mole saogalemu. O le pasi lea na lavea i Malifa ile aso 2 o Oketopa 2023, MO123 e ana ia e le falepasi a le Laumoosi, e lei pasia pei ona ta’ua e le faamatalaga faaluaaitele mai le Matagaluega.
