20/12/2024: Ua fautuaina mai e le Pulega o felauaiga ile laueleele poo le LTA e ala i se pepa o faamatalaga mai ile latou itulau, ia le mamalu ole atunuu nisi o nuu ma afioaga o loo aafia tele I eleele solo mafua mai I timuga mamafa mai ile aso ananafi.
Lea e iai le afioaga o LAULII/LUATUANUU
O loo aafia nei afioaga I eleele solo i le vaega o le auala i le itu i Sasa’e.
Ma o loo iai le aufaigaluega a le LTA mo le faatonutonuina o femalagaiga e talia ai le Konekarate mo le faatinoina o galuega kilia.
Aua o lea ua ma’ea ona aveesea le tele o le palapala mai le eleele solo.
Peitai e talosagaina le mamalu o le atunuu ina ia ave ma le faautauta ma lemū lou sā pe a uia lea vaega i le taimi nei.
Tautuanā a tatou faailoilo o loo faatutu I lea vaega aua le saogalemū. O le a faatino galuega o le toe faamamaina ole auala ile aso a taeao.
E le gata foi I eleele solo ae o auala tele o looaafia gofie I lologa I taimi o tumuga mamafa, o loo fautuaina mai ai ia aua nei afea le auala o Fugalei I le oso mai gauta I Vaitele St.
O loo maualuga pea le vai ua na o pasi, loli ma pikiapu maualuluga o loo mafai na sopoia.
Faamolemole tautuana le saogalemu ma alu lemu le sa pe a latalata atu i lea vaega o le auala.
