E iai vaega o ole tuutuuga o le tau o oloa e le’o usitaia ese vaega o faleoloa ile taulaga o lesi vaega o na tuutuuga a le Matagaluega o Pisinisi, Alamanuia ma Leipa, ole mulimulita’ia lea o le tau o oloa, peita’i na maitauina le siita’i ole tau o le kilo moa ina ua sioti lena foi oloa i vaiaso tua tuanai.
O lesi tuutuuga, o le faalauiloa lea o Pepa tau o oloa e le faleoloa, ia faigofie ona iloa e tagata faatau ile taimi e ulufale atu ai ise faleoloa.
Peita’i e le’o le itu lena sa tatou molimauina, i se vaega o faleoloa i le taulaga.
Ma saunoa le Loia a le Matagaluega o Pisinisi, Alamanuia ma Leipa MCIL ile faatalanoaga ma le Radio Polynesia, Susuga Faalogo Ioane Okesene, e oo atu ile $3,000 afe tala le faasalaga o le fai oloa e le usitaia le pepa tau o oloa, consumer price controll list, o lo o tufa atu i fai pisinisi.
Ma ole avanoa foi lena ole tagata faatau, e galulue faatasi ai mo le mata’ituina ole tau o lana elegi, taga alaisa, pusa moa, pusa apa, ma isi oloa, poo sa’o ma faamaoni le tau a le faatau oloa.
O faasea, foi e oo atu ile ofisa, e tatau ona iai ni molimau, pei ose lisiti ole faatau mai le faleoloa o loo latou siita’i tau o oloa faatusa ile lisi o pipii ile faitotoa, poo se vaega e iloa gofie ai e tagata faatau.
E ui ina o loo faia pea asiasiga faasolosolo a le MCIL, peita’i o loo tatala foi le avanoa ile au faatau e avatu ai faamaoniga oni oloa fou, e masalomia, ae ia malamalama foi i labels o oloa.
O loo fautuaina lava le avatu o molimau, oni mataupu lipoti atu ile ofisa o le MCIL.
