O le pepesi o le faamai o le fulu poo le influenza B, ua fautuaina ai lava le faia o talifofoga poo mask mo tagata uma e oo atu i Maota gasegase pei o le Tupua Tamasese Meaole I Motootua.
Ua faamaonia mai e le ofisa o le Matagaluega o le Soifua maloloina I lana faasilasilaga faalauaitele le iai ole au faatau oloa savali ua latou faatau talifofoga i totonu o le lotoa o le Maota gasegase i Motootua e aunoa mase faatanaga.
Peita’i o loo iai lava alii ma tamaitai sikulaki i luma o faitotoa o le falemai e latou te tuuina atu le talifofoga mo soo se tasi e ulufale i totonu o le falemai e aunoa mase totogi.
Taimi nei ua oo atu ile $3 tala le tau o talifofoga ile taulaga i Apia, e ui ina e le’o iai se faamalosiga i faleoloa ma ofisa e faaaoga talifofoga.
Ae ose tala fiafia mo tagata e autovaa atu ile falemai tele I Motootua, ua maua lava le mask ele totogi ile faitotoa ole falemai.
