E le’i maua i le aso se faaiuga o le talosaga a loia o tula’i mo Tiumalumatua Maifea Fetu, le alii faasalalau e nofo i Ausetalia.
Na talosaga ana loia Sefo Ainuu e togi i fafo moliaga a leoleo faasaga ia Tiumalumatua Maifea Fetu.
Ina ua valaau ai le mataupu lea ile vaiaso talu ai, ae lei mae’a tapena atu le itu a leoleo, e sootaga i molimau ole tagi faasaga ile alii faasalalau. Na faaleo e le loia a leoleo Jason Tuala e lei oo tusi samania o molimau , Laaulialemalietoa Leuatea ma Vaaaoao Alofipo sa malaga.
Ina ua valaau ai le mataupu lea ile vaiaso talu ai, ae lei mae’a tapena atu le itu a leoleo, e sootaga i molimau ole tagi faasaga ile alii faasalalau. Na faaleo e le loia a leoleo Jason Tuala e lei oo tusi samania o molimau , Laaulialemalietoa Leuatea ma Vaaaoao Alofipo sa malaga.
Ma talosaga ai loa Loia a Tiumalumatua e faaleaoga le tagi. Ole tagi na faila e le failautusi aoao a le FAST, Susuga Vaaaoao Alofipo ma isi o tuuaia ai le alii faasalaau ile faia oni tala faalumaluma ma le taufaaleaga.
Peita’i ile taunuuga ole talosaga a le alii Loia ia Ainuu mo Tiumalumatua, i luma o le faamasino Leota Raymond Schuster ole faamasinoga faaitumalo ile aso.
O le’a fofogaina ile Aso Faraile nei, 25 o Aukuso. Pe afai ae talia, o lona uiga o le’a leai se faamasinoga.
Ae afai e teena le talosaga mo le faaleaogaina o moliaga a leoleo, o le’a faaauau ai loa le faamasinoga o le mataupu lenei.
Ua tusa ai o le vaiaso talu ona taunuu i fanua molimau o le mataupu lenei. I fafo mai o le famasinoga i le aso, e silia i le 20 le au lagoalgo a le itu tagi na iai, e tapua’ia le mataupu.
Ae na faapena foi le tulaga ile au tapua’i a le itu tetee, e le gata o auaiga, ae o uo ma paaga. E le taumate le toe fai uma atu foi ile faamasinoga ile aso a taeao, FAraile 26 ile lauina o le faaiug a le Faamasino, pe faaauau pe togi loa i fafo moliaga a leoleo.
