Fea o iai Sepetaio?

SHARE NOW

4 Fepuari, 2025 – Samoa E toe valaau ile Aso Gafua oi luma, 10 Fepuali 2025, le mataupu faasaga ia Fialelei Vaifale Sepetaio,  o Samalaeulu.  Na faamonia lona moliaga o le fasioti tagata pa’ivalea.

Ole masina o Ianuari 2024 na molia ai Fialelei ile maliu ai ole alii talavou 22 tausaga o le latou nuu, ole faaletonu na tupu ai lava ile latou nuu o Samalaeulu Savaii.

Ae o lipotia e le tusitala a le SETV, mai le faamasinoga, “Na talia le talosaga a Sepetaio e tatala ia i tua, ile masina o Fepuari 2024.

Ma tatala ai i  tua e talia ai le taimi e lau ai lona faasalaga, ile masina o Oketopa 2024, ae le’i oo ane i lena taimi ma poloaia ai le tusi saisai.

Peita ina ua toe valaau lana mataupu ile Aso Gafua ananafi 3 Fepuali, e le’i oo atu lava ma toe poloaia ai foi leoleo e saili poo saini lava Sepetaia e tusa ai o tuutuuga o le tatala i tua.

Ole alii loia Su’a Alex Su’a o tula’i mo Fialelei, ma finauina le suia o le moliaga mai le fasioti tagata faamoemoeina ile pa’ivalea.

E vaiaso atoa lea ua tuu atu i leoleo ma faatulaga ai le toe vaalau ai o le mataupu lea a Fialelei ile Aso Gafua 10 Fepuari,  i luma ole afioga ile Faamasino Sili Justice Perese.