Ua savali ile fa aso talu ona uma le fono ole Atoa o Samoa, ae lei iai lava se Pepa aloaia o faamatalaga o le taunuuga ole fono faai’u lea na faia mai i Samoa nei, i le Aso Tofi ma le Aso Faraile talu ai.
Ole fono lea i le vaiaso talu ai, na sainia ai le maliega ile va o taitai o malo e lua, Palemia Fiame Naomi Mataaafa ma le afioga i le kovana sili o Amerika Samoa, Lemanu Peleti Mauga.
Ole fono sa leai se avanoa o le aufaasalalau tumaoti, vagana ai Ofisa faasalalau a le Malo na taga i totonu i le taimi ole Fono, e aofia ia le KVZK TV a Amerika Samoa ma le SAvali le nusipepa a le malo o Samoa.
O le Maliega na sainia, ole toe faamalosia atili lea ole galulue faagalegalea’i o malo e lua. Aemaise o le una’ia o tulaga tau atinae o lo la tamaoaiga, ae o isi avanoa mo le agai i luma o le va nonofo ai.
Ma saunoa ai le afioga ile Palemia, Fiame Naomi Mataafa ile agaga faafetai ma le taua ole sosolo ai i tulafono male unaia o le faimeatonu ae o mataupu tau i le tamaoaiga e toe matimati ai i galuega faatino.
Saunoa foi le afioga i le Kovana Lemanu, e ui ile luitau ma isi itu talu mai le faamai ole Covid 19, ae o le sao o malo e lua o le unaia lea o le la tamaoaiga.
