Ua ‘ata’ata fofoga o le masiofo, ina ua feilo’ai i fanau a lona nuu fou i Samoa.
O le mafutaga a le afioga a Moataa ma le aiga tupu.
Ua faasolo ina usi le faamasani a Masiofo Kamila ma le lumanai o le afioaga, poo fanau ole aoga Aso Sa a le faifeau EFKS. .
Ua faasee atu le Tupu ma le tele o le nuu ile togatogo ma ona ia foi polokalame ole aoauli,
Ae mafuta ai le masiofo ma le aoga aso Sa, e fia molimauina lava e le masiofo , le faufauina mai o le soifua ole tama ma le teine Samoa I le nuu.
Aemaise o foliga o aoga a le faifeau, o pesega a tamaiti, o le amata aoaoina o le faitautusi, ma le faitauga o le pi tautau ma le faaloma.
Ae ua amata ai ona faasolo foi le faamasani a le tupu ma le afioaga, ile togatogo, poo fanua faasao o Moataa.
O le togatogo lea o Moataa, o loo ola ai togo taatele I Samoa, ae ose faasao mo le taofia o le palapala ae ose nofoaga e tuufua ai i’a ma paa.
Ua tuu iai ma le auala laupapa , e feoai ai , aemaise o le taimi ose faalavelave faafuasei, e sosola vave ai i uta, tagata o nonofo tulata ile sami.
Ma fesoasoani mai ai le ofisa amupasa a Amerika , ae o polokalame atinae a Malo aufaatasi, I le faatupeina o galuega tapu’e o le togatogo ma lona faaauauina ai pea ona avea ma alaga ‘oa o taumafa ile nuu o Moataa.
