6 Ianuari 2025 Samoa: Ile maea ai ole faatautoga ole kovana fou a Amerika Samoa afioga Hon. Pulaalii Nikolao Pula na maua ai ma le avanoa e feiloai atu ai ile taitai ole atunuu Fiame Naomi Mataafa ile faaiuga ole vaiaso ua tuanai atu.
O lea feiloaiga na momoli ai le faamalo a le taitai o le atunuu I taitai fou a Amerika Samoa lea ua maea tofia ma faatauto e tautua le malo o Amerika Samoa ma momoli ai foi ma faamanuiaga mai Samoa mo lo latou tulai mai I lea nofoaiga taua.
O lea feiloaiga na faia lea ile ofisa o le Kovana i Pago Pago, ia Ianuari 3, 2025.
E mo le silafia e le mamalu ole atunuu o le uluai taimi lenei ua feiloai atu ai le Palemia o Samoa ia Hon. Pulaalii Nikolao Pula, o le kovana fou o le malo o Amerika Samoa mo le isi 4 tausaga.
Na fa’amanino e Kovana Pula le taua o le malosi o so’otaga i le va o Samoa ma Amerika Samoa, e ala i le ta’ua o lo la’ua tofi.
O talanoaga na taulaʻi i vaega autu o le galulue faʻatasi, e aofia ai fefaʻatauaiga, femalagaiga o tagata faigaluega, ma le galulue faʻaitulagi.
Na faalauiloa foi e le Palemia o Mataafa o le a talimalo Samoa i le isi Atoa o Samoa ia Me 2025.
O lea Malaga na Malaga faatasi atu ai le Palemia le Pule Sili o le Matagaluega a le Palemia MC Agafili Shem Leo faatasi ai ma le Konesula o Fata Brian Kaio.
