Fesiligia e le tina le mafuaaga o le maliu o lona to’alua ile falema’i

SHARE NOW

O loo taumate le aiga o le tama 56 tausaga mai Savaii, na maliu I le falemai Motootua ile Aso Lulu o le vaiaso talu ai, 6 Aperila 2022, ile mafuaaga o le maliu o le tama o le aiga.

Ole tama lea ile faamatalaga a lona faletua ia Geogina, na sii mai atu ma lona toalua ma fai a la “suesuega o le koviti ma iloa ane e leai sesi o la’ua o maua ai le siama.

Ma sa faia togafiti o lona to’alua o le fula sa I lalo o lona aoao, ua tigaina, ma ave loa e fomai e fai le taogota ile fula.

“Uma ane le taotoga e tolu aso o moe lo’u toalua faatoa ala ane. Na toe fai lesi suega ole siama koviti, ae iloa ai ua maua le tama ile koviti” ae leai lava le tina, ma toe faataatia ai loa lesi taotoga sa tuu e fai o le tama lava lea.

Na ta’u ane e foma’i e faigata ona toe fai lesi ona ta’otoga na fuafua ona ua maua ile siama koviti le gasegase.

Na ta’ua e le tina, o lona toalua ua uma ona tui koviti, e leai foi se isi mai tumau e maua ai, ma na mafai ona savali lona toalua ile taimi na taunuu ai i le falemai.

Peita’i I totonu ole vaiaso ao tigaina lona toalua ma sa pisia ai I le siama koviti, ae avatu le fatonuga a le fomai e ave lona toalua I le fale, ua le aoga iai se togafiti.

Ae o ia sa tatalo I fomai, e le mafai ona ave lona toalua I le fale, ona o loo tigaina toe o loo maua I le siama ma toe taofia ai lea i lesi potu ole falemai ma maliu ai lava lona toalua ile lona ono o aso talu ona iai I totonu o le falemai.

Na ia ta’ua o loo tuufesili lona mafaufau, poo le a le mafuaaga o le maliu o lona toalua, poo le koviti poo le tigaina ile manu’a i lona tino  mai le fula lea na taoto ai e le falemai.

Peita’i ua fai le tonu e ave I tua lona toalua ile vaiaso oi luma mo ona toe sauniga i le motu tele i Savaii. Ole tama ua maliu e to’a lima ona alo e nonofo uma i Niusila.

Ae o loo nofo i Samoa ma lona faletua ia Geogina Faasavalu ma le la fanau e toatolu.