E le’o faia ni faaleaiga i totonu o le maota e fau mai ai tulafono o Samoa, le Palemene.
Ole faavae foi lena ole faamasinoga ,e leai se faaitu’au, i taimi o latou faaiuga ma le faauigaina o Tulafono.
Peita’i ile palemene ole Aso Lua, ole vaiaso nei, na molimauina ai le tulaga na taumafai ane ai le faipule tamaitai mai Salafai, ole nofoa faaopopo o le itumalo Lelataua Aliimalemanu Alofa Tu’uau, e fofo ai le finagalo ole palemene o Samoa faatatau i sui ua faamaonia a la soligatulafono, pei ona faaiuina e le komiti faapalmene, ma toe tolaualu e le taitaifono, susuga Valasi Togamago Tafito.
Maitauina le ese foi ole itu na taumafai ane ai le faipule o Lealataua, i lona tulaga faatamaitai ile maota, e lu’i pe fua foi i ai le amiotonu ole faaiuga fai a le palemene ile fautuaga a le lipoti a le komiti.
Ma ua fesiligia ai nei le sao o le faipule lea i le faia o faaiuga tonu ma le amiotonu ile maota.
Ole toe tau faasaosa’oina ma le tonu o faaiuga fai e le maota faitulafono o Samoa, le auga atoa , ole talia ai ma lagolago e le afioga faipule tamaitai ole Itumalo o Lotofaga, ae o le Palemia, o Samoa, Fiame Naomi Mataafa
E toe usu le fono i le aso Lua o le vaiaso fou.
