E toa valu faipule ole maota na fesiligia le Minisita o le Matagaluega o leoleo, Faualo Lefau Harry Schuster, ma ia folafola lona talia o a latou fautuaga ma atugaluga, ile fono a le Palemene ole vaiaso talu ai, i mataupu eseese aemaise ai lava i fualaau faasaina , le aisa.
Ma e le’i tamala foi le tali atu a Faualo, i faipule o Vaimauga 1, Salega 1, Aana 2 Aleipata itupa i luga, Safata 1 , Satupa’itea, Lepa ma Faleata 1.
“Tatou te tutu faatasi, e tatou atugalu uma lava i fualaau faasaina, aemaise le aisa ona ole ogaoga o aafiaga o le tagata faaaogina, Talia fautuaga ma atugaluga, o loo nofo mataala foi le matagaluega ile aisa.
“O le faamaumauga a le matagaluega, 2022, e valu osofaiga i maota o tagata na masalomia, ae 11.32grams aisa, 7 marijuana, 23 lala, 11 fatu na maua mai ai.
O le 2023, e 13 osofaiga, 72.1 grams, 1,452 laau, 115 lala, 1,444 fatu, O le 2024: 1.04 grams aisa, 2 lala, 140fatu.
O se faamalosi loto i osofaiga uma nei, na iloa le sa’o ma le lelei o suesuega, e muamua lava aumai le faatanaga. mai le faamasino, a’o lei osofai se fale ose tagata.
O fale uma lava sa maua ai, a le’o le aisa o le marijuana.
E le’o faaalia se alu i luga o le aisa. pe a fua ile kalama, .04 ole kalama, e pei o le atigilima, ole tau, sa 100 tala , lea ua 200tala e le’o faatetele ina le aisa. ”
Ua amata ona maua, ole laititi o mea maua, ua alu ai i luga le tau.
1.32gram, ole kuata o le sipuniti, e ui ole aisa e le’o alu i luga fainumera, ae oloo tele lava le marijuana.
O le pulega mamalu a alii ma faipule e faamoemoe iai, a tapu e alii ma faipule, e fesoaosani tele ile suesuega a leoleo. O loo mata’itu foi e leoleo le sailia o le aisa, ile vaega faapitoa, CID, o loo lelei lava le faatinoga o latou tiute.
Sa iai le popolega ile taimi na leaga ai le Nafanua lua, peita’i e leai se vaa na maua o aumaia ni fualaau faasaina mai fafo, pei ona ta’utino le Minisita o leoleo ile Palemene ile vaiaso talu ai. Peita’i e toe a’e le Fono ile Aso Lua, 5 o Mati 2024 i le itula e 9:30am i le taeao.