Fesoasoani le EFKS To’omatagi ile SVSG

SHARE NOW

Ua aapa atu ai lima fesoasoani a le Ekalesia Fa’alapotopotoga Kerisiano i Samoa (EFKS) mai To’omatagi ma ofo atu se seleni tupe mo le Toomaga mo e puapuagatia poo le Campus of Hope.

Aua le fesoasoani lea ile tausiga o alo ma fanau e tusa ma le 100 o loo nonofo ilea nofoaga ma tausi e le Toomaga.

Peitai o se fiafiaga ile toomaga ile amataga o le nei vaiaso fou le foaiina atu e le Fa’afegaiga, le Susuga Fuaao Fuimaono & Faletua, ma le paia o le Ekalesia, mo le meaalofa seleni e lei mafaufauina.

Peitai i se pepa o faamatalaga o loo faailoa mai ai, o le afioga ia Faumuinā So’onalote Amituana’i, o le Peresetene a le Mafutaga a Tinā o le Ekalesia, lea na tauaaoina le foai i le Toomaga ile taeao o le aso. 

O ia foi o se tasi o Sui Auai a le To’omaga ua loa lana tautua ofo fuaina (volunteer), aua lava le faatinoina o le galuega.

Saunoa Faumuinā, “O le faamoemoe lava ma le fia so’oso’o tauau mai a le Ekalesia EFKS Toomagati, e fia fesoasoani mai nai fanau o loo āfaina ona o sauaga.

E le gata i lea, ae o le taumafaiga foi a le To’omaga ina ia fa’aauauina le auaunaga aua le tali atu i manaoga a le mamalu o le atunuu, peā mana’omia se fesoasoani”

E le’o se taimi muamua lea ua agalelei mai ai le afioaga o Toomatagi ma le Paia i le Ekalesia i so’o se fa’amoemoe a le To’omaga.

Na saunoa le tamaitai Peresetene o le To’omaga, Siliniu Lina Chang, e fa’afetaia le ma’au a le Ekalesia EFKS Toomatagi, ma lo latou sao taua i le galuega fesoasoani mo le manuia o tagata lautele.

“Faafetai lava i lau susuga i le fa’afeagaiga fa’apea le Paia o le Ekalesia mo le seleni paia. Ia fa’amanuia le Atua i lo outou agaga fesoasoani.”