E 2,000 ie moega ma ie afu na ofoina atu e le Kamupani o le Sanitarium mai Niusila mo le Matagaluega o le soifua maloloina ile vaiaso ua mavae i le Maota gasegase i Motootua.
O ia vaega na foai e lenei kamupani o lea fesoasoani malosi lea ile faaleleia atili o moega ma vaega e manaomia e le auauanga faa soifua maloloina aemaise lava i gasegase e taofia.
Na momoli le faafetai a le Minisita o le Matagaluega o le soifua maloloina le afioga ia Valasi Luapitofanua To’ogamaga Tafito Selesele i nei Samaria agalelei le manatu ma le alofa mai ile auaunaga o le Soifua Maloloina i Samoa.
Peita’i na saunoa Davis o le sui o lea Kamupanī, o le naunauta’iga ina ia tu’u atu sa latou fesoasoani i le Matāgaluega, ona o se tasi lea o auaunaga e tāua tele o le latou foi pitolā’au o lo’o fa’atinoina.
E leo se fesoasoani muamua lea a le Kamupani lea o le Sanitarium Health Food, o loo faamauina foi sa latou ofo atu foi le aao fesoasoani e ala ia latou polokalame tau Soifua Maloloina i le atu Aleipata Lefaga ma Safata ile tausaga e 2016.
Ma e leo faapito le latou auanaga ile taimi nei e ala lea i le fesoasoani atu i soo se atunuu ile tulaga lea i Maota gasegase.
