Ia siitia tulaga tau i le puipuiga ole saogalemu fa’alotoifale ole faigamalo o iai nei, lesi itu taua na taga’i iai sui ole U.S. Department of State’s Bureau of International Narcotics and Law Enforcement Affairs (INL) po’o sui ia mai le vaega Fa’amalosi tulafono a le malo tele o Amerika e gafa ma galuega faalevaomalo i mataupu tau fualaau faasaina.
A’o iai iinei lena aumalaga sa feiloai atu i le taitai sinia o o Samoa o gafa foi male famalosia o tulafono, e aofia ai le Minisita o le Matagaluega o leoleo ma Falepuipui, Ole komesina o leoleo, o le Loia sili, ole Sui Ofisa sili o le Faamasinoga, Ole Ofisa sili o le Oifsa o Tiute ma Lafoga, o le Ofisa o fesootaiga tau soligatulafono ile Pasefika, ma sui o le ofisa o le Amupasa a Amelika i Apia.
E le gata o le fesoasoani mai le vaega lea a Amerika ile puipuiga o le saogalemu, ae ole unaia o le faimea tonu, e ala i le tomai e faatino ai le galuega faaleoleo, i tuaoi faalevaomalo ae o le faamasinoga.
Faatasi ai ma le tu’uititia o soligatulafono faaleva o malo, e aofia ai le faaaoga faasolitulafono o tagata, o solitulafono i luga o fesootaiga televave, o soligatulafono i luga o le sami, o fualaau faasaina, tapenaina o leoleo mo misiona o le filemua a Malo aufaatasi, ma le unaia ole faamasinoga i siitia lona tulaga faalevaomalo, faamausali ma saogalemu le va ma atunuu o le tatou itulagi, ma fesoasoani ile vaaiga mamao a Samoa i le 2040 ma le feagaiga o le puipuiga o le saogalemu ile tatou itulagi.
O le puipuiga lava tau i le saogalemu o Samoa lea o loo apaapa mai ai le malo o Amerika, pei foi ona molimauina i lana aumalaga o ta’ua i luga.
