Ua faapaaga ai nei le kamupani vaalele a le Samoa Airways ma le Aero Adapt mai Ausetalia, i tapenaga mo vaa taunuu ae o tagata femalagai a le Samoa Airways, ile taimi ole CHOGM, aemaise ole taimi lea e tumutumu mai ai sui o malo mai fafo, feagai ai latou ma se vaega o tapenaga, ae gafa lava le Samoa Airways ma le siakiina o ana pasese masani e malaga mai ile Air Niusila, Qantas ma le Fiji Airways.
Ma saunoa ai le alii pule Afioga a Fauo’o Taua Fatu Tielu, ole faapaaga lea, olea siitia ai le tulaga ole auaunaga ile taimi ole CHOGM, ile galulue faatasi ai ole Aero Adapt ma le aufaigaluega agavaa foi a le Samoa Airways.
