E na’o le fa masina lea na aooga ai i tomai faa faaleoleo le silia i le 60 alii ma tamaitai. O leoleo ia mo le Matagaluega o Leoleo ma Falepuipui, ua uma ona faatauto ma faauu.
Ma o le lona lima ai lenei o aso ole latou misiona ole auauna ma puipui Samoa. I faamaumauga a le Matagaluega, e 70 na amata ai le vasega, ae uma ane e toalima ua le ausia.
Na fatutua ai le failotu o lea aso, Rev. Dr Siaosi Sasulu, e manatua ole Atua e amoa faigata i taimi o faafitauli.
Ae na faamanatu ele afioga i le Palemia, Fiame Naomi Mataaafa, ua avea ai i latou ma Malu o le malo.
Na faamalo ma faamanuia le alii KOmesina , Auapaa Logoitino Filipo i le Au faauu. Ma faafetaia foi le faapaaga ma le malo, i ana matagaluega, o faalapotopotoga tumaoti, ile faaavanoa atu o taimi mo le matagaluega o leoleo.
Ma lana faafetai i aiga o alii ma tamaitai, i le taimi na aooga ai nei fanau e avea ma auauna i le Matagaluega o Leoleo ma FAlepuipui.
O le faauuga e aofia ai le 43 mo le Ofisa o Leoleo, ae 22 mo le Ofisa o Falepuipui. e aofia ai le 28 tamaitai, 37 alii.
Toa fa oi latou na maua faailoga faapitoa le Students choice:
Correction Officer Kuresa Fa’aeteete
Most Disciplined:
Constable Elina Tapu
Best All-Rounder:
Principal Correction Officer Aviata Foleni
Outstanding Academic Achievement:
Correction Officer Fetausia’i Fa’avae
