Ua fetaui le pale mai o le Fono Faatonu mo le taimi nei a le kamupani vaalele ale Samoa Airways, ma le taatia mai ai o folafolaga a le Minisita o Malaevaalele, Olo Afoa Fiti Vaai, o le’a toe fausia le malaevaalele i Fagalii.
Taimi nei o loo faaaoga Fagalii ele vaega o Tavale afi ale matagaluega o leoleo. Peita’i o tamalii foi ua tofia ile fono faatonu e le Kapeneta, mo le taimi nei, e aofia ai le Taitaifono, Tupuola Koki Tuala, ma le tamalii fai pisinisi ia Taimalie Charlie Ah Liki ma le Susuga Fatu Tielu.
E le fou le Susuga Fatu Tielu Nofoa, Sa avea ai ma Ofisa sili o le kamupani Vaalele a Samoa i tausaga ua tuanai. O tofiga na faamaonia mai e le Minsita ole matagaluega, ina ua fesiligia e le Leitio Polenisia, peita’i e lei afea i lana tali mai, mafuaaga o le aveesea ai o le fono faatonu tuai, e aofia ai le Susuga a Papalii Sonya Hunt, Tuia Paepae Letoa, and Muagututia Lafaele Ngau Chun.
Ae i le tatou faatalanoaga ma le Susuga Fatu na ia ta’ua ai e iai suiga o le’a faia. Ma o le’a iai se taimi e feiloai atu ai ile aufaigaluega a le Samoa Airways.
Ole tausaga talu ai na faia ai e le ofisa loia a le Latu Law le iloiloga ole Samoa Airways ma iloa ane ai le tupu ole aitalafu, na oo atu i le 80miliona tala.
Ma faasolo atu ai lava ina taofia ai e le malo le aumaia o lesi vaalele Generation Boeing 737-800 na lisi mai, ma gata atu i Ausetalia ina ua maua ane, ele’o se vaalele la’u pasese ole vaalele la’u uta.
