Olea fetaui le taunuu mai o malo ole fonotele ole CHOGM ma le polokalame faapitoa o Ulua’i Seleselega (First Harvest Event), faapea le faamanatuina o Aso Taumafa ole Lalolagi (World Food Day) 2024, a le Matagaluega o faatoaga ma faigafaiva ile Aso 21-22 o Oketopa 2024.
O lenei faamoemoe a le Matagaluega, olea faalauiloa ai le tele o taumafa oloo gaosi ma faafailele i o tatou eleele ma gataifale. Olea faaalia ai foi ma le anoanoa’i o meataulima i lea aso.
E 4 nofoaga ua filifilia e faatino ai nei faamoemoe mo itu e valu.
Mo Vaimauga 1-2 Maketi i Fugalei.
Vaimauga 3-4 ole lotoā a Malisi i Mulivai.
Faleata 1-2 Ole malae i Vaimoso.
Ma Faleata 3-4 Ole malae i Vaitele i autafa ole Farmer Joe.
Ua valaaulia ai e le Matagaluega o Faatoaga ma Faigafaiva, lou susū mai ma aumai lou aiga e molimau nei faaaliga tetele, ma fai sau faatau i nofoaga ma Aso ua faailoa atu, 21 ma le 22 o Oketopa Aso Gafua ma le Aso Lua.
