E le tau su’ea ni faafiafiaga e ave iai aiga ma fanau ae o malo asiasi mai, i le vaiaso fou.
Lea ua faailoa mai e le pulega o Tagata tafafafo mai i Samoa, le Samoa Tourism Authority, STA le polokalame mo Aso fiafia ole Kilisimasi 2022,
Pei ona faailoa mai e le afioga a Fanaea ole Pulega o Tulisi le latou tapenaga.
“O le polokalame ole Kilisimasi ma le faagasolo atu i le faafeiloai o le 2023 i mea faapapa ma faafiafiaga. O loo iai pea Samoa i le faamanatuina o le 60 tausaga.
O le aso 21 Tesema Aso Lulu e faatino ai le Savali mai Vaisigano, faasolo mai i luma maota o le malo, ma tatala aloaia ai faafiafiaga o le Kilisimasi on the Water Front. O aiga mai fafo e asiasi mai, ua iai faafiafiaga e agai iai.
Ae o le saogalemu lautele, ma le malu puipuia o tatou aseta, ua galulue faatasi ai ma le ofisa fuimu ma le ofisa Leoleo, mai le aso 21, 22 ma le aso 23”.
O tagata Savali ole Aso Lulu e aofia ai Matagaluega o le malo o faalapotopotoga tumaoti, ma tagata uma lava e fia savali i le afiafi lea o le aso Lulu mai Vaisigano ma agai mai i luma maota o le malo ma tatala ai fiafia ma ki ai moli kilisimasi.
O faafiafiaga e aofia ai pesepesega o le Kilisimasi mai le afiafi i le itu pito i le sami ole maota o le malo i Apia.