Filemu taualumaga a le Palemene                          

SHARE NOW

Mai le fono a le Palemene, o atagia ai le sologa filemu o taualumaga a le maota i ona sui faipule uma. 

Ao tolaulau ai lipoiti a taitaifono o Komiti faapalemene. Peita’i ile tula’i ane a le taitai ole HRPP, Nuafesili Fonotoe Piere Lauofo, o loo mafuli lava ana saunoaga I le faufautua i tulaga ma vaega e siitia ai le tamaoaiga o le atunuu

“O le tulaga lea e maitau ina i le 2019 ile 2020 i le tulaga o tatou tupe maua mai tagata tafafao maimoa mai fafo, sa ausia le $375 milliona mai le atinae lea o tagata tafafao maimoa mai fafo,”        

“Peitai ile tausaga faaletupe na sosoo ai ma faasolo mai ai le vaitaimi na aafia ai tatou le faamai o le koviti, ua pa’u ile leai o se tupe maua mai tagata tafafao maimoa mai fafo,” 

O le leai ose tupe maua mai atina’e tulisi , o loo silafia lelei ele Taitai o le itu agai, le mafuaaga o lena faaletonu pei ona ia ta’utino I le Palemene

“Pei a ona silafia e leo toe po se lilo, le tulaga sa tapunia ai tatou borders, sa tapu le tulaga o feoagia sa iai, ia ma le tele o isi foi vavao poo le SOE, o lena foi vaitaimi i le State of Emergency sa iai, pei o le mafuaga lena,”

E manatu le taitai o le Itu Agai, ole atina’e lea o tulisi ua tatau ona toe lalaga mai i luga aua e manuia tagata uma

“Mafua na afe se tala lenei taeao, ona sa ou tuitui atu foi isi tatou fonotaga ua tuana’i, e lelei le toe lalaga mai luga o le atinae lea, aua e le manuia nao i latou e nonofo i Apia, ao le atunuu atoa,”

“Aua o tagata tafafao mai i Samoa e agai tua Savaii i mataaga eseese ma faatau oloa i flea maketi tafatafa ala ma le agai ai e faaoga faletalimalo i afioaga i tua ma Savaii, o le taua lena o le atinae lenei e fasafua ai i le atunuu le manuia,”

“O tupe mai turisi, ua faapena ona manuia ai le tele o tagata o le tatou atunuu, faapena foi i afioaga o la e iai latou mataaga, o loo maua e latou tupe mai tagata tafafao maimoa mai fafo,”

Na toe faamanatu e le faipule o Anoamaa aafiaga na iai le au fai pisinisi tulisi ua iai nei aemaise o le au fai faletalimalo

“E tata logo pea Masefau e silasila ae i tatou atinae ia o Faletalimalo, tatau ona toe fai iai se fuafuaga ona o le tele o faletalimalo sa le gafatia ona toe totogi nonogatupe ma aitalafu ona o le vaitaimi lea sa tapunia tatou borders pe a ma le lua tausaga.,”

“Aafia ai ma le tele o galuega latou sa galulue i faletalimalo ma latou sa galulue le Tourism Industry na aafia foi a latou galuega, sei silasila ane lau afioga le taitaifono o le komiti, faapea foi lau afioga le Minisita i nei galuega  e tatau ona toe maua e le tatou atunuu,”Maitauina foi e le Taitai o le Itu o Agai, le siitia o tupe maua a le atunuu I le taimi na tapunia ai femalagaiga, mai tupe faamomoli mai aiga ma fanau I atunuu e mamao. 

O tupe faamomoli lava ia, o loo numera silia lava i tupe maua a Samoa. 

“faapea foi le tulaga o le siitia i luga o tatou tupe faamomoli mai fafo, lea maitau le piliota le siitia mai le $567 miliona ile $606 miliona o tupe faamomoli mai fafo ,”

“o le mea sa maitauina le lua tausga o feagai tatou ma vavao o le koviti, sa sii i luga tupe faamomoli mai fafo, ai ona o le tulaga foi lea ua le mafai ona toe feoai ma malga mai tatou aiga mai atunuu i fafo mo faalavelave a sa toaga e lafo mai le seleni,”

“tupe taua lea mo le tatou atunuu, aua o lea foi matau atu pe 20pasene tatou Cross Domestic Product maua mai tatou remittance poo tupe faamomoli mai fafo, “

“faafetai i lea piliota ma lea vaitaimi, ma talitonu o le tulaga foi lena o loo tatou iai i lenei vaitau e leo sopoia le alafua o le pasene, o aitalafu i fafo poo external debt o lea lava e taofofi i lalo ile 50 pasene, pau le vaega sei toe silasila ane iai lau afioga o ni vaega sei toe silasiala ai le tatou tamaoaiga aua o le taimi lea ile 2019 ile 2020 sa 1.5 pasene, o le tausaga na sosoo ane ai ua pa’u le 3.0 pasene ae ile taimi nei pei lava lea ua tatou iai le negative -11 i le negative 12 percent,”

“Atonu o le mafuaga foi lea o le taugata o le soifuaga ua iai foi lenei vaitau, pei o le tulaga lea ua fai sina taugata foi o le soifuaga, o tupe, o tupe mai tatou oloa faamomoli mai fafo, sa manaia foi lea vaitau, sa oo atu lava le valu masina le tupe faaagaga mo le oka ina mai o tatou oloa e auina mai I totonu o le tatou atunuu, o loo lelei lena vaega ,” pei ona saunoa le taitai o le itu agai.