O lea ua faamaonia mai i le pepa o faamatalaga le tofia ai o se tamalii Samoa tautaua foi ile faagata o le lakapi le susuga ia Faalogo Tana Umaga e avea ma faiaoga o le au lakapi a le Pasefika le Moana Pasefika.
O Tana Umaga o se tama taalo ua iloga ma lauiloa foi lona igoa ona o le tomai ma le silafia ile taaloga o le lakapi, lea na ausia ai nisi o tomai ma auai ai loa ile au a Niusila le All Blacks, sa ia taitaia foi nisi o au pei o Manukau ma manumalo ai foi i le Talita o le Ranfurly mo le uluai taimi.
Ma sa fanau mai lenei alii e ni matua Samoa, peitai na malaga ma aumau i Wainiuomata, ma amata taalo mai ai loa i Petone Wellington
Peitai i le maea ane o le tasi tausaga ae filifilia o ia e auai ile All Blacks, ma sa faaputuina ni pulou faataitai se 74 i le valu tausaga.
Ma o Umaga foi o le tagata muamua lea o le Pasefika ua ia taitaiina se au o nisi o atunuu pei o le All Blacks mo le umi e 22 tausaga, ma sa faiaoga foi mo le au a le Blues mai le tausaga e 2016-2018
Peitai ile pepa o faamatalaga o loo faailoa mai ai le fiafia o lenei alii ua mafai ona maua lona taimi e fai ai sona sao ile Pasefika e ala ile avea ma taitai o le au lakapi a le Pasefika le Moana Pasefika mo se taimi muamua.
Na ia faailoa foi oa uma tomai ma se iloa oi iate ia olea ia ave uma e faalaeiau ai le alo ma fanau o le Pasefika o loo taumafaia mai lenei au ina ia maua ai se tali fiafia.
Ma o au faalevaomalo na ia fesoasoani ai e ala i aoaoga ile tulaga tau taaloga e aofia ai le U20 a Niusila ae o loo tumau lava ile Manu Samoa ile taimi nei talu mai le tausaga e 2021.
