Ua filifili ai nei le susuga i le faafeagaiga Rev Autama Esera e avea ma Sui Ta’ita’ifono a le Ekalesia Faalapotopotoga Kerisiano Samoa 2023.
O vaega uma ia e aofia i totonu o le fonotaga a le Ekalesia o loo usia nei, e le gata e soalaupule ai nisi o Mataupu o faiga faavae o le Ekalesia ae o le totofiina lea o auauna i nisi o tofiga fou a le Eklaesia.
Peitai o le tuumalo ai o le faifeau Toeaina le susuga ia Rev Iosefo Atapana Uilele ma avanoa ai lea foi tofiga maualuga talu mai le masina o Tesema 2022.
O le sailia ai o se auauna e tauave le tofiga o loo ta’ua, ina ia o gatasi ma faiga faavae a le Ekalesia a usia se fonotaga e tatau lava ona atoa le auvaa e latou faafoeina mataupu o le fonotaga mai lona vaiaso muamua seia faauma aloaia.
Ma faia ai loa se faiga palota e susuga i faafeagaiga o loo usu fono ina ia fili ai ile tai se agava e sootaga ma le tofiga.
Peittai e toalua faafeagaiga sa fai iai le palota o le susuga ile faifeau ia Rev Elder Palemia na ia maua palota e 360 ma le susuga ia Rev Esera Autama Esera, na ia maua palota e 443.
Ma ua faamaonia ai le seei ai o le susuga ia Rev Esera Autama Esera ma sui taitiafono seia maea le fonotaga, ae o le aso Faraile o le vaiaso nei e toe saili ai se isi sui taitaifono mo le tausaga 2023-2024, ae avea ai Rev Esera ma Taitafono o le Ekalesia Faalapotopotoga Kerisiano Samoa.
O le susuga ia Rev Autama Esera ma le faletua o loo galulue i le Eklaesia EFKS i Sapapalii mai i le Pulega a Safotulafai-Savai’i.
