Mai le silia i le 30 (33) na faamauina e leoleo i le vaiaso nei , lo latou le usitaia o poloaiga o tapu o le kovit, O loo filo ai totonu ma se aulotu, o faipisinisi ma se vaega o tagata lautele.
O poloaiga ia ole tapu o le koviti , o loo famamaluina mai le faavae autu o Samoa, ma faamoania e lana Afioga i le Ao o le malo, Tuimalealiifano Vaaletoa Sualauvi ll.
I se faatalanoaga ma le afioga ile Sui Komesina o le Matagaluega o leoleo, Auapaau Logoitino Filipo ma le faaulu o faasalalauga a le Talofa FM, ole Leitio Polenisia, Fonoma’aitu Vani Tufuga na ia faamoania ai, “o le falesa lea na maua lana aulotu ose tasi itumalo atu ile itu i Sisifo. Sa ta’u ane i leoleo ma avatu loa iai le faasalaga.”
“Ae o le au faipisini, sa iai faleoloa na faataua ava malosi ile taimi o le sa, ae le faatagaina i lalo o tulafono ole tapu, State of Emergency Orders. Faatasi ai ma tagata na feoai solo lava i magaala”.
Saunoa Auapaau, “na amata o ave, i tagata fautuaga poo lapataiga tuugutu, ae atagia e faataliga tuli lava, Ma ua see atu ai loa i le faasala sa’o lava pe’a faamonia. Ma e le toe avea foi iai e leoleo ni lapataiga tuugutu.”
Talu o loo faaopopo pea tagata pisia i le siama o le Covid19, i lea aso ma lea aso, o lona uiga, e tatau lava ona faamalosia tatou tapu , o sa ma aiaiga o faia nei”
Ma ia faamalosi ile atunuu, e tautuana aiaiga mai le malo, e tausi iai e faaititia ai le pepesi ole siama, aua o loo molimauina lava le manatu mama iai o isi ole lautele i aafiaga ole siama .”
O faasalaga e aofia ai,
$200 ile tagata ua faasala i le taimi muamua, ae a toe tupu ua $500.
Ae o mo se faalapotopotoga , e $5,000 ile taimi muamua, $7,000 pe’a faaauau ai pea.
Poo le taofia loa e leoleo e le sili atu ma le 3 masina,
Poo le taofi e leoleo ma totogi le sala o ta’ua i luga,
Ae ole tagata e toatasi e faauau pea ona le usitaia poloaiga, e $2,000
Ae mo kamupani ma isi faalapotoptoga e solia le poloaiga, e $15,000 ile taimimuamua, ae a faaauau pe e $20,000. ;
