Finau le Uili a le sa avea ma Faamasino Sili o Samoa 

O Justice Perese lea ua suitulaga ile Faamasino Sili ua tuumalo, Ia Patu Tiavaasu’e Falefatu Sapolu, le to’alua faaipoipo o le faletua e ana le tagi, ia Iliganoa.
Ole mataupu lea ua molitu ai e Ili le tuafafine o lona to’alua, faamasinoga, le afioga a Luamanuvao Katalaina Sapolu talu e le’o faamalieina Ili i le Uili ua maliu lona to’alua ae maona a’e i luga.

O le Uili, i le finau a Ili: e le’o iai sona talitonuga e faamaoni le auala na faatino ai. Peita’i na ia faamatala, o Ianuari o le 1992 na fetaui ai ma lona to’alua, ae 1993 la faaipoipo, o la’ua ose ulugalii fealofani. ua amia Falefatu e le Atua ae lei uma ana galuega.

Ole 2019 na litaea ai, ae Ianuari loa 2020 amata ona ma’i. 25 o Setema alu le la siigama’i ua tigaina lona to’alua.

Ua 28 tausaga talu ona la mafuta, ose tagata e alofa faamaoni tele ia te ia. Ma e leai se uo a Falefatu, e na’o ia lava lana uo.  O ia pei e  mapu ane iai, a manava atu e inu saga fagu na amata o tolu fagu, ae oo lava ile fitu, ae onosa’i atu lava ma ia talanoa e faate’a ai se pressure mai le faamasinoga.

E leai se mea e nana e Falefatu ia te ia. E iai taimi e faatalaula ane ai tala a Falefatu , “aua ete popole ete pule uma lava i ta mea.” e tuu uma lava mea ia ia te oe. O le finau a Ili, e leai se Uili a lona to’alua na tusia. ae o le fa ma le afa eka na faatau e Falefatu, na faamalie ane ia, e ave ma lana fanau matutua i Ausetalia.

Ta’utino e Ili, e late nonofo ua matutua. Sa faapea atu foi Falefatu iate ia: Leai se mea e fai ai fua ni ta uili, e leai ni ta mea.”

O ia sa fai ia Falefatu , e vaelua le tupe e fai ai se fale o Maka. ile Molimau lava lea a Iliganoa, E nate lei fesiligia Falefatu pe na fai sana uili.  O le la aiga e faavae i luga o le Trust, poo le talitonu o lesi i lesi. aemaise o lana galuega.

E le’i taliaina foi e Ili le saini a lona to’alua o loo i luga o le Uili.

Peita’i na ia faamaonia le saini lea e Falefatu oni siaki se lua, ile aso 25 o Setema ao lei tuua Samoa i lea aso.

O siaki na saini e Falefatu i le falema’i e tapena ai le la siigama’i, na ia tali atu ai ile loia.

Tuatagaloa Shane Wulf, o loo tula’i mo Luamanuvao Katalaina Sapolu. I lana molimau, E alu e tala siaki o loo iai Laina ile falema’i.

Ole uma ona teu o Patu, ae mulimuli ane ta’u atu e Laina ia te ia le Uili, faamatala atu, afa ole fale e alu ia Maka, fanua e afa oe , afa Maka, tolu eka mo lana fanau, 1 eka i Aleisa mo Maka. Ma na ta’u atu foi e  Laina ole Uili e ave i le Ofisa tausi Mavaega, public trust.

Finau Ili o Falefatu e fai mea mautu, sa tatau ona saini i luma ose loia. ma e le talanoa lava la’ua ini aseta, a fai lava ana loan e le fai lava ia Falefatu e guarantee. Ole Pikiapu, o le mealofa a Falefatu mo ia.

Ae o le uili e le tau tusitusia na mea, o lona toalua o le matai e fua le fanua i le tautua. Sa fia talanoa ia Laina a’o lei avea le uili ile Public trust. Ua faate’ia ia, 28 tausaga o pologa. Ma e le talitonu foi, e mafai ese tagata o loo penefiti mai le uili ona ia toe tusia se uili..

Peit’ai ina ua fesili Tuatagaloa, ia Ili: Ana leai Maka ile uili, ete talia?, Ae tali Ili: Oute talia, ae oute avea lava se mea ia Maka. Ole $30afe na ave ia Usa le teine faigaluega, ae finau Ili: Oute iloa Falefatu e le avea se 30afe ia Usa.

Molimau Ili, o Maka sa  vaetama e matua o Falefatu, na inupia ai e inu ma Falefatu. ma na talosaga atu Falefatu ia te ia, e ave le afa ole fanua ia Maka. Sa ta’u atu foi e Falefatu, e alofa ia te ia e faaputu la tupe e fau ai se la fale.

Ua ia iloa aseta a Falefatu, ae na iloa foi e Falefatu ana aseta. Ae leai se uili. Ma e le tau faia se Uili aua o le mafutaga e faavae i le tatitonu. Ma e pule foi Falefatu i ana mea.