Finau Loia sa avea ma Loia Sili a Samoa i le tulafono

SHARE NOW

Ua faatali ai nei se faaiuga a faamasino ole Faamasinoga Maualuga, Ile taunuuga ole talosaga a le afioga Toomata Nora Leota e faaleaoga tofiga o faipule faaopopo ,o Aliimalemanu Alofa Tuuau ma Faagasealii Sapoa Feagia’i, i lalo o le vaega 44 (1A) b ma le (5), ona e soli faavae ma solitulafono, pei ona finauina e le tamaitai Loia o tula’i mo Toomata, Afioga a Taulapapa Benda Heather Latu.

O Faamasino na saofaia le mataupu lenei, e aofia ai, Le Faamasino Sili, Chief Justice Perese, Justice Vui, ma Justice Vaai.

O le alii Loia ia Aumua Ming Leung Wai, mo le itu tetee a Aliimalemanu ma Faagasealii , na finau e faaleaoga le talosaga atoa a Toomat  ma le Vaega faaupufai a le FAST.

Na teena foi e Aumua le talosaga ale Fofoga Fetalai, Li’o Papalii Taeu Masipa’u mo sana itu ile mataupu, ma teena ai e le faamasinoga le talosaga, ae faataga pea le loia a le Fofoga Fetalai e faalogologo, Observer a’o faia taualumaga. O loo fesiligia e le itu talosaga le Ofisa o le Komesina o Palota, le faatoa faaaoga ai ole tulafono lea, ae ua uma ona faalauiloa aloaia le taunuuga o le Palota laititi .

Peita’i e talitonu Aumua o le taimi na faaaoga ai le vaega 44 (1A) ole tulafono o loo agavaa ai le avea o Aliimalemanu ma Faagasealii ma faipule faaopopo ma ua tatau ona faatauto e avea ma faipule tamaitai faaopoo ole Palemene e faamalie ai le Faavae mo le  ono tamaitai .

Ile finauga a Aumua, ole auala poo le fomula na faaaoga e le Komesina o Palota e maua ai le palota maualuga, e sa’o. ma e fua i le Article 44 (1B) ma le Article 44 (5) ole Faavae.

Peita’i ole finau a Taulapapa, i lalo ole Article 44 (5) o loo aumai ai le sui faaopopo , tamaitai, e maualuga le numera o ana palota, ma o lona uiga ole pasene o le aofai atoa o palota aoga a lona itumalo.

Ae i lesi foi itu mo faipule alii, e alu sa’o lava ile tagata e maualuga ana palota, ma ua tusitusilima ai loa le auala poo le formula o loo faaoaga i le itupa o tamaitai.

Na fesiligia e le Faamasino Sili Aumua i lanai a vaai faaletulafono ile finauga a Taulapapa.

Ae tali Aumua, o loo iai le confusion ( leai ose malamalamaaga) ae o loo manino mai le Faavae, ole calculation poo le faatulagaga e alu i luga o le pasene maualuga o le palota ae le’o le maualuga o le aofai o palota.

Na avane e le Faamasino Sili se aotelega faapea, o le sui tauva e 1000 ana palota ma lesi sui tauva e 200 ana palota.  Ole 1000 palota o loo maualuga, peita’i e le’o le tulaga lena e iai pe ‘a faapasene.

Ae na finau Aumua, o loo manino le Article 44 (5), peita’i o foliga ole tusiga ma le faapuupuuga e ono tupu se le malamalamaaga laititi, bit of confusion.

Ole auala formula na faaaoga ele Komesna o Palota , o le aofai palota maualuga , e sa’o fua i le Article 44 (1B) ma le Article 44 (5) o le Faavae.

Peita’i na ese foi le itu na avane e Justice Nelson. O le faapea lea e na’o le lima tamaitai,  ae le’i manuia  mai le palota tele.

O lana fesili:  Pe faamata la e fai se palota faapitoa mo na’o tamaitai lava e faamalie ai le Tulafono?

Ua talia ai nei le faaiuga a faamasino.