Finau mai Tuilaepa i luga o fesootaiga televave

SHARE NOW
Ua faaaoga ai nei e le taitai o le Hrpp Tuilaepa Sailele Malielegaoi fesootaiga televave e finau mai ai ana tuua’iga faasaga ile afioga i le Palemia, Fiame Naomi Mataafa.
Talu le faaupuga “Mavaega Tuua” na afea i le saunoaga a le Palemia ile fono o le aso 24 o Me. Ole fono lena na talia ai e le Palemene  le fautuaga a lana Komiti Suesue, o Amioga taupulea, e faamalolo, Tuilaepa ma Lealailepule Limoni Aiafi se ‘ia se taimi.
O le faamatalaga faalauaitele a  Tuilaepa i luga o le Social Media, ole aso 28 o Me 2022 e le gata ina ia tuua’ia  le tautuua’i atu ole Palemia,
Ae o loo atagia ai ana ia foi mau tuuaiga faasaga ile afioga ale Palemia. E aofia ai le galo i le afioga a Fiame a’o fai ma ana sui Palemia le uiga ole HRPP ma taunuuga ole puipuiga o aia tatau ai latou sa le amanaia, e aofia ai fafine ma tamaiti.
Faamanatu mai e Tuilaepa, ile Palemia, o le HRPP na faatuina le Matagaluega o Fafine,  ma le tofia ole tele o fafine i tofiga Ofisa sili o Matagaluega ma faalapotpotoga a le Malo. O atagia i le faamatalaga faalauaitele a Tuilaepa iluga o fesootaiga televave, lona taumafai lea e toe tolaulau mai suiga ole atunuu i totonu ole taimi o le faigamalo a le HRPP.
Peitai, o  na suiga uma pei ona saunoa le paaga mai totonu a tatou talafou, e lei faapea sa galulue fua le HRPP. Sa saofafa’i i totogi maualuluga, na totogi ai latou e le atunuu latuele e latou te faatino ai galuega, masani, pei o le faaleleia o le soifua maloloina, tulaga tau aaoga, ma isi pei ona tolaulau mai e Tuilaepa.
Ae o ta’ua e Tuilaepa, i lana faamatalaga faalauaitele, “E leai se mea e lilo e faavavau i  Samoa, ma e leai foi se taitai e lafi ai pea e faavavau ae faatonu isi e fai ana galuega eleelea.” I le fono o le aso 24 o Me, na aloaia ai ona faamalolo seia se taimi Tuilaepa ma Lealailepule lea na saunoa ai le afioga ile Palemia Fiame,  i mavaega tuua a le HRPP: