Fitu i le valu tagata pisia i le aso  

SHARE NOW

I tala lata mai o le pisia ai o Samoa ile Koviti 19, o le aso lona lua lenei talu ona muta le faanofo esea o tagata malaga mai fafo.

Ua le toe faia le laasaga mulimuli ole faanofoesea I aiga i le 7 ile 10 aso.

 Peita’I I faamaumauga a le Matagaluega o le soifua maloloina mo le aso 25 Iuni i le 2:00 i le aoauli o le Aso 27 Iuni e na’o le 15 tagata na pisia I le siama , ma oo atu ai ile 14,906.

E leai se isi o taofia i le taimi nei i nofoaga fa’apitoa fa’apea foi le Potu Tigaina (ICU) i le Falema’i i Moto’otua.

O lo o tumau pea ile 29 tagata ua maumau soifua I le koviti.

Fautuaga faaauau mai le Matagaluega ole Soifua Maloloina:  ina ia tausisia pea le faia o tali fofoga, tutū ma le nofo vāvā mo le lua mita mai le isi tagata, fufulu mamā lima pe a mae’a ona tagofia ni meafaitino ina ia fa’aitiitia ai le so’ona pepesi o le siama.

E tumau pea fautuaga mo le atunu’u atoa ina ia aga’i i se falema’i lata ane mo le faia o lou tui puipui o le Koviti – 19, auā o le puipuiga sili lea mo i tatou e tete’e atu ai i le ma’ema’eā o lenei vairasi.