Ua amata atu ai ile vaiaso lenei ona faaaoga le taavale pikiapu fou double cab a le Samoa Conservation Society, ole fesoasoani faapitoa a le Yazaki Kizuna Foundation
Ole Sosaiete a le Samoa Conservation, e faapitoa i galuega tau ile tausia ole siosiomaga o Samoa, e pulea e le Susuga James Atherthon.
Peita’i ole Yazaki Kizuna, ua lima ai lenei o tausaga talu ona faavae mai ile 2018, faapitoa lava lea mo le toe faasoa atu i tagata o Samoa mo le lagolagoina ole Yasaki E.D.S Samoa , ile 26 tausaga ua tuana’i.
Ma faafetaia e le Susuga James, le Yasaki Kizuna ma auala ua faia e le Atua, mo le faafaigofie ai ole latou galuega.
Sa masani ona saili se taavale totogi e fetaui ma auala, pe faaaoga foi lana taavale. Ae ole mealofa lea taulimaina, ua fetaui lelei ma le faatinoga ole auaunaga.
Ile faamatalaga faalauaitele ole sauniga puupuu faapitoa, e aloaia ai le fo’ai na saunoa ale Sui Ofisa sili ole Matagaluega o le Siosiomaga ma Oa Faa Natura,
Seumaloisalafai Afele Faiilagi , ole faapaaga lenei ,e mo le leoleoina o ‘oa faanatura ole tamaoaiga o Samoa ae o tagata soifua ole atunuu.
Ma ta’ua ai e le Pule faatonu o le Yazaki Kizuna, Mr Junichi Kitami, ole upu Kizuna o lona uiga o le sootaga papa o tagata. Ma ole uiga foi lena ole igoa ole latou faalapotopotoga, e atagia ai le sootaga o Iapani ma Samoa ia piitaga foi i tagata Samoa, ma lagolago ile atinaeina o Samoa. Ma le faamoemoe o le’a aoga le mealofa mo le Sosaiete Faasao a Samoa.
Ole sauniga puupuu e tuuina atu ai le taavale , sa faia ile fanua ole togalaau faasao, le Vailima Botanical Garden.
Ole isi lea laufanua o loo galulue valalata ai le Sosaiete Faasao a Samoa a Mr Atherton ma le MNRE.
