E 12 taavale o le pasi e tasi, ma le loli ua foai nei e le malo o Iapani ile Matagaluega o leoleo mo le auga lava e tasi e tapena ai i le fono tele a taitai o atunuu e faia mai Samoa ile masina o Oketopa.
Taua e le Komesina o leoleo le afioga ia Auapaau Logoitino Filipo o le talosaga ua leva ona ave au ua faafetai ua talafeauga ma tapenaga o le fonotaga.
E lata i le miliona le tinoitupe atoa sa faatupeina ai lenei meaaofa ua tauaau e Iapani i le malo o Samoa e tauala mai le Matagaluega o leoleo ma falepuipui.
Taua foi e Auapaaau e 30 taavale sa talosga ina peitai o lea ua amata faasolosolo mai le auina mai o nei taavale.
Peitai faailoa e le Komesina e le nao vaega tau taavale o loo manaomia ae ua maea ona tuuina atu le talosaga i leoleo Niusila Ausetalia, Tonga, Solomona ma nisi o atunuu ina ia faaavanoa mai nisi o leoleo e fesoasoani i le aufaigaluega a Samoa.
Ae o le loto faafetai a le Matagaluega ua mafai ona maua mai nei mea faigaluega e fesoasoani malosi i le faatinoina o le galuega.
