O se tasi lenei o fesoasoani ua talisapaia ma le fiafia e le Matagaluega o Leoleo a Samoa tauala atu mai lea ile UN poo le vaega a malo aufaatasi o loo nafa ma Soligatulafono o Fualaau Faasaina.
O lenei fesoasoani ua agalelei ai mo le matagaluega e aofia ai ni vaa faase’e se lua aua lava tapenaga mo le fonotaga o le CHOGM.
Ile saunoaga autu a le Minisita o le matagaluega o leoleo falepuipui ma le ola toe fuataina Afioga Faualo Harry Jeffrey Schuster na ia faafetaia ai le vaega a le UNODC mo lenei fesoasoani ua latou agalelei ai mo le matagaluega.
Na auai foi le Sui Pule Sili o le Navy a Niu Sila, le susuga ia Andrew Brown, lea sa ia saunoa faafetai ai i Ie galuega fita sa feagai ma le Matagaluega,aua galuega laveai mo le aufaigaluega o le vaa lea na tupu mai ai le faalavelave I le vaiaso ua tuanai atu nei.
