E $63,562.46 le tupe na maua e le Punialavaa ile latou sailiga tupe ua ofo atu mo le Falema’i fa’amama toto o Samoa.
Na tauaao ai ile aso le seleni tupe e $63,562.46 a le aufaipese o le Punialavaa i le Ofisa o fatuga’o a Samoa e tauala mai i le latou Koneseti saili tupe sa faatinoina.
O lenei tupe ua ofo atu e le Punialavaa e mo le toe faatauina lea o nisi o masini fou ile falemai o Fatuga’o e faaleleia atili ai le auauanga mo le mamalu o le atunuu
Na auai uma mai le faletua ia Vini Lale ma le susuga ia Lale Peteru ma le laua alo le susuga ia Nanai Lale e momoli aloaia mai lenei seleni ile maota gasegase i Motootua
Ma na auai le Minsitia o le Matagaluega o le Soifua maloloina le afioga ia Valasi Tafito Selesele, o sui Minisita lagolago, ma le ofisa sili le afioga ia Dr Alec Ekeroma e molimauina lea foi faamoemoe.
Saunoa le faletua ia Vini sa tele ni auala ae o ni galuega foi sa mafaufau ai e le gata ae o le aiga ae o uo ma e masani na tuu atu lo latou tauau e galulue faatasi e saili se galuega e faia ai se sailiga tupe e e fesoasoani ai ile falemai faamama toto i Samoa
O le koneseti totogi laulau lea na faia e le Punialavaa ma lagolago atu iai le tele o kamupami ae o pisinisi ile faamoemoe, peitia taua e Vini na tau faatuai te isi le tuuina mai o le tupe i totonu ae sei faaumauma mai nisi o laulau e lei mafai ona uma mai le totogi.
Na saunoa le Minisita ia Valasi e fai ma sui o le Matagaluega ae o le malo e momoli le agaga faafetai ile aiga o le Punialavaa i lo latou sao taua, ma talosaga ai ia faaauaua pea ona fai paaga ma le falema’i faamama toto o Samoa.
