E $1 le miliona tupe Niusila le tau faatusa o masini faapitoa, ua fesoasoani mai ai le malo o NIusila i le faatotogaina ole malaevaalele o Samoa.
O masini e aofia ai , faata e tolu mo ato i luga, tasi le faata mo uta e siaki, ma lesi faata mo uta tetele, tolu masini tutu, mo tagata ile ui atu i totonu, walk through metal detectors, ole fata faapitoa e su’e ma siaki ai ato, ma le ea malulu ,ma le masini faapitoa e iloa ai ,aupega mata’utia, Explosive Trace Detection System.
Ua mae’a sainia ai ile va o le Minsita o galuega tetele ma Malaevaalele, Olo Afoa Fiti Vaai ma le Komesina o le malo o Niusila i Samoa, HE Dr Trevor Matheson, le maliega faapaaga, mo le faapipiina o masini i malaevaalele.
Ole maliega e aofia ai ma le aoaoina o le aufaigaluega, ae ole tausiga o masina ma ona spare parts ia faaauau ai pea ona faamalieina lea foi tautua mo Samoa.
O masini uma nei, ua pasia ma agavaa i lalo o le tulafono o Malaevaalele, a Amerika, faapeana foi i faalapototpootoga faalevaomalo o malaevaalele. ICAO, International Civil Aviation Organization (ICAO).
E le gata ina o gatusa ma fuafuaga alualu mamao a le Pulega o le Malaevaalele, ae o le’a fetaui foi male taligamalo o le tausaga fou, mai taitai o malo o le tauplega.
Ma faafetaia ai e le afioga a Olo Afoa Fiti Vaai, Minisita o galuega tetele ma malae vaalele, lenei foi faamanuiaga, ae ose laasaga i luma o le atinaeina o tagata ole tatou atunuu, ma le malo.
