E maualuga le faatauaina e le Fono Aoao Faitulafono a Samoa, o faamaumauga ma lomiga faavaomalo o lo o aofia ai mataupu taua e faatatau i le fesootaiga o Palemene eseese a Malo o le Tapulega.
O lo o faaalia manino mai ai mataupu o lo o aafia ai le lalolagi atoa, faapea le lipotia mai ai o fautuaga talafeagai ua iai le naunautaiga a le Palemene o se atunuu e latou te faatinoina e foia ai se mataupu.
Pei ona tatou tuliloaina ai le fonotaga a le Palemene o Samoa, i lona tulaga faatotino ole Asosi a Palemene a malo o le Taupulega, I lona maota fono i Tiafau ile vaiaso nei, Ma faasoa ai faipule ile mataupu lea tau ile siitia ole numera o faipule tamaitai, Lea e manatu ole faipule o le itumalo o Sagaga Lua, Susuga a Maulolo Amosa Tavita, ole tulafono o faigapalota a Samoa o iai nei, e le’o amanaia ai tamaitai o lona nuu o Afega aua e le faatagaina ona matai se tamaitai, o lona nuu ma latou misi ai le avanoa e tauva ai faafaipule, ae ua na’o matai alii.
Peita’e na saunoa le Fofoga Fetalai ole Maota, Li’o Papalii Taeu Masipa’u, e foliga ua sa’i le faipule agai ile palemene, ae o le tulafono a le latou lava nuu. Aua ole tulafono lea o loo iai nei, ua tatala ai avanoa i matai tamaitai e tauva ai faafaipule.
Ma fautuaina ai e le Fofogafetalai faipule mai nuu o iai ia to’a, o le latou lena matafaioi, o le talanoa i o latou nuu ma itumalo.
