Ua tusa o le 10 aso talu ona taunuu i Samoa le Vaa folau mai Niusila, le Paikea a le alii folau o, Captain Peia.
O ta’ua e le faamatalaga faalauaitele mai le pulega o le Aiga Folau o Samoa, na tuua ai e le Vaa Paikea Upolu faamoemoe mo Saleologa Savaii ile Aso Sa, ma lona auvaa e to’a 12.
O le faamoemoe , ole tuliloaina lea o polokalame faaauau , mo fanau aoga, i le siosiomaga ma le taua o folauga ma metotia na faaaoga mai anamua e folau ai, i le taitaiga a le faalapotopotoga tumaoti, o le Conservation International.
O le polokalame e taula’i ile siosiomaga, mai le aso 12-16 Iuni, i vasega 7 o aoga ile atu Faasaleleaga, e aofia ai Asaga, ma Vaitoomuli, Palauli.
O le faamoemoe o le Aiga Folau ia faaosofia ai le manaoga ma le loto iai o fanau aoga e aoao i folauga ma ona agaifanua.
Ua faamalo ai foi e le Sosaiete ole Aiga Folau o Samoa, le taulamua a le Conservation Internation, ile polokalame ma le faapaaga ma le MESC, MAF, MNRE, i le faatauuina lea o le Poloketi o loo faatupe e le NZ MFAT, e ala ile Guardians program i Savaii.
E toa 12 le auvaa o le Vaa folau Niusila le Paikea, e aofia ai lona Kapeteni Greg Gallop, Steve Daniels, Zebadiah Tetonga ma Tuainekore Katu Teiti, ae ua toe foi lesi vaega o le auvaa, Wela, Kimi, Malanai ,Tariu e aofia ai le alii e ana le vaa Paikea Captain Peia.
Captain Peia na malaga ile sauniga faapitoa o le taunuu aloaia ai o le Vaa folau o le Polynesian Voyaging, Hokulea i le Aukes Bay i Jueno ananafie faitau afe na lolofi ane iai, e aofia ai alii ma tamaitai kapeteni atu ile tatou itulagi.
Peita’i o le Vaa Paikea ma lana folauga i Savaii, ua folau faatasi ai ma le auvaa o le Vaa Gaualofa i Samoa, e aofia ai Captain Karl Steffany , Mao Onesemo , Sa’oleititi Carol Duffy , Mika Mulivai Paitusi , Pitapola Ioane , Leota Donna Ioane , Aloma Black , ma le Peresetene o le Sosaiete ole Aiga Folau o Samoa, afioga a Lyvia Black
Ae tapua’i atu le vaa Gaualofa o Samoa, i lona taulaga i gatai ane o le Apia Yacht club i Mulinuu.
