Ua faamalumalu mai le amataga o le aso a’o agiagi malie mai pea fisaga mai sasa’e, ma lagona ai tino o le faitau selau ua fesavalia’i ai i totonu ole taulaga o Apia ma le malae ile eleele fou.
Ae ua alo atu le mamalu ua atofa mo faafiafiaga faaleaganuu o le aso, mai le 9 i le 2 i le aoauli,
O faafiafiaga faaleaganuu lea e aofia ai afioaga ma itumalo tofiga mai Savaii.
E ese mai ai i le nuu o tulisi, ile eleele fou lava, o loo faia ai faatauga o taumafa, o togalaau teufale, o lavalava samoa, o oloa a tina Nofotane o mea taulima , lalaga ma elei.
Peita’i ile agai ane i le pito ole faafiafiaga faaaua o el sisigafu’a , pei ona faagasolo ma ai anapo i faafiafaiaga lava,ma faaauau mai ai ile taeao ole aso, Aso Tofi, faasolo i le afiafi, o faleaitu.
Ma faasolo atu i le aso Faraile taeao, o le solo a taavale teuteu, ile 9am, ma faasolo ane ai i le 10 ile taeao e fai ai laugatogi, ma faafiafia ai le PUnialavaa ile 7 i le afiafi.
Ae Aso Toonai loa i le 7pm, ole tauvaga a Tausala a Samoa e faia i le Gym 1 i Tuana’imato, o le taualuga foi lena o fiafia ole Teuila.
Ae ole sisigafua 60 tausaga, e faaauau atu ai lava se oo ile faaiuga o Me ole tausaga fou.
Ae, Mai faafiafiaga ole Sisigafu’a ile eleele fou, i tua ane o le maota o le malo, i le po anapo, Aso Lulu 7 Setema, na faauma ai tauvaga Mauluulu ma faataupati faatasi ai ma String Band.
O le mata’ina o lea vaega o le uma lava ma lau ai mai ai lava le iuga ole sili,tu Lua male tutolu
I tauvaga o Mauluulu & Faataupati
Na manumalo ai le Return to Paradise
Tulaga Lua le Autalavou a le EFKS Tafitoala
Tulaga 3 -Autalavou Efks Matautu & Gagaifo Lefaga
Ae mo le agai i le lumana’i o nei faiga siva, na molimauina le fautuaina e faamasino ole alavaa mo faataupati. Ae ile faasolo ane i le tauvaga faaili, String Bands,
Ua toe tusi aao ai foi faamasino ile Faaili a le Return to Paradise, i le tulaga muamua i lenei tausaga,
Tulaga lua le ‘Ava Samoa mai Puipaa, ae lona tolu le Ekalesia Katoliko mai Leauvaa.
