9 Tesema, 2024 Samoa– E ui ose faatoesega ma se faamaulaloga ae ose faaleleiga ile va ose vaega o Lefagaoalii ma Samauga, ile vaiaso talu ai, peita’i o le finagalo o le faamasinoga, ua faaauau ai lava ona taofia se vaega o matai ma taulelea o Lefagaoalii i lalo o le vaaiga a leoleo e talia ai se faaiuga a le faamasino ile masina o Fepuari o le tausaga fou.
Ae o loo tatala ai pea I tua le tama ia Aitauia , o loo ia teena moliaga o le taumafai e faaoo le maliu ile tagata.
Ua tatala foi i tua le Susuga a Salapo i aiaiga masani ai, e aofia ai le taofia o pepa malaga, ole saini ile ofisa o leoleo, ole aua nei fesootai i molimau ae ia nofo i Upolu.
O lesi toa 10 ua toe foi atu i Tanumalala, e talia ai le taimi e lau ai le latou faasalaga, ina ua latou ioeina moliaga o le ave faamalosi ose tagata.
O le masina o Setema 2023 na molimauina ai le ave faamalosi ole tofa a Sooalo Asiata Alaimanuomalo Lepa Vitale Tuu, i luma o le nuu.
Na oo atu leoleo ma faafilemu le faasalaga faaleaganuu na alo iai le afioaga o Lefagaoalii pei ona molimauina. Ma faia ai moliaga ua afua ai le oo ane o lea mataupu I le faamasinoga.
Peita’i sa taumafai lava le loia a le nuu, afioga a Su’a Alex Su’a e talosagaina le faamasino e tatala I latou i tua e talia ai le aso o lana faaiuga.
Ua faamauina foi e le faamasinoga, e eseese auala na faatino ai le sootaga oi latou molia ile solitulafono. Ma afua ai ona tatala i tua Salapo Ete Uini, fua i lona sao ile solitulafono.
O i latou o loo taofia pea o Vaele Ioasa Ierepoamo 75 tausaga, Tauti Tiaka 68, Lemana Faleupolu Pene 57 tausaga, Lemana Nouata 55, Amiga Lagaaia 30 tausaga, Ofisa Sitafano, Vaa Alai ma Faavevela Lale e ta’i 27 uma tausaga, Tomasi Samuelu 24 tausaga, ma Toemaga Lasalo
