Ole faaiuga o le vaiaso lea na pisi ai leoleo ile paka tua maota ole malo e su’e faatapito se afafine fitu tausaga le matua.
O le sailiga a leoleo na feoa’i ma moliuila ile afiafi lata ile fitu, ma faasolo ane ai lava ile te’a ole fitu.
E le gata o le paka I vaifale, o lalo ole auvai ole auala laupapa, ile friendly park, ae o le taligalu ma le sami na fealu ai le vaa ma sulu ile aloalo, ile sailiga ole teineititi lava lea.
E oo lava i malo a le Siva Afi i le nuu o Tulisi, ua aafia atu ai ma o latou lagona, ile sailiga ole fitu tausaga,
Peita’i e taape lava evaga e leai se tala na maua ane, ilea afiafi ole Aso Faraile na te’a nei.
Ae i luga ole itulau a leoleo i ana fesootaiga televave o faalauiloa mai ai le toe maua o se teine 7 tausaga mai Leulumoega.
Ua toe faafoi ane i leoleo ile tusa o le 7am ole Aso Toonai, 6 Aperila, 2024.
O le paka lea tuamaota o le malo, e faatetele lava evaga a aiga ma fanau i faaiuga o le vaiaso.
Na molimauina ua toe ola moli sa faaletonu ile lua vaiaso talu ai, sa sosoo ai po o pepe, ae lei faavaivai ai le uia olea siosiomaga matagofie I taafoga a aiga.
Ma faafetaia ai e le matagaluega o leoleo, le aiga o Maniti o Matautu uta ile toe faafoi ane ma le saogalemu o Silia Purcell ile ofisa o leoleo i Apia.
O taua e leoleo, ole laasaga uma lava ia ole galulue faatasi mo se Samoa saogalemu.
